ស្នងការខេត្តនគរបាលខេត្តព្រះសីហនុ ដឹកនាំប្រជុំដើម្បីផ្សព្វផ្សាយផែនការកិច្ចសហការពង្រឹងសន្តិសុខសណ្តាប់ធ្នាប់សាធារណៈ
22-January-2019 | ដោយ ពលមនសិការ
ព្រះសីហនុ៖ ព្រឹកថ្ងៃ២២ ខែមករា ឆ្នាំ២០១៩នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំបើកកិច្ចប្រជុំ ជាបន្ទាន់មួយ ដើម្បីផ្សព្វផ្សាយផែនការ ស្តីពីកិច្ចសហការពង្រឹងសន្តិសុខសណ្តាប់ធ្នាប់សាធារណៈ និងសុវត្ថិភាពសង្គម ខេត្តព្រះសីហន របស់អគ្គស្នងការដ្ឋាននគរបាលជាតិ។
សមាសភាពចូលរួមមាន លោក លោកស្រីស្នងការរង នាយការិយាល័យជំនាញទាំងអស់ លោកអធិការនគរបាលក្រុង ស្រុក និងនាយនគរបាលប៉ុស្តិ៍រដ្ឋបាលទាំង២៩ឃុំសង្កាត់ទូទាំងខេត្ត ព្រះសីហនុ។
បច្ចុប្បន្ននេះ ខេត្តព្រះសីហនុកំពុងមានការរីកចម្រើនយ៉ាងឆាប់រហ័សទាំងវិស័យទេសចរណ៍ រោងចក្រ សហគ្រាស ក៏ដូចជាវិស័យហេដ្ឋារចនាសម្ព័នរឹង ជាពិសេសសំណង់សណ្ឋាគារទំនើបៗព្រមទាំងមានការហូរចូលនូវជនបរទេស យ៉ាងច្រើន ក្នុងគោលដៅទេសចរណ៍ អាជីវកម្ម ពាណិជ្ជវិនិយោគ។ ល។ ទន្ទឹមនឹងការរីកចម្រើនខេត្តព្រះសីហនុក៏បានកើតឡើង នូវបញ្ហាប្រឈមនានាផងដែរ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តបាន ដាក់ចេញនូវអនុសាសន៍មួយចំនួន ដើម្បីឲ្យអស់លោកយកចិត្តទុកដាក់ដើម្បីអនុវត្តបន្ត ៖ ទី១.គ្រប់ប៉ុស្តិ៍រដ្ឋបាល អធិការនគរបាលក្រុង ស្រុក ត្រូវធ្វើផែនការ សកម្មភាពការងារ របស់ខ្លួន សម្រាប់ឆ្នាំថ្មី២០១៩ ទី២.ពង្រឹងវិន័យ ការងារប្រចាំថ្ងៃឡើងវិញ ដូចជាការគោរពទង់ជាតិ ការប្រចាំការ ប្រចាំបញ្ជា ឲ្យបានទៀងទាត់ ទី៣.ត្រូវអនុវត្តការងារគ្រប់មុខជំនាញទាំងអស់ បំរើប្រជាពលរដ្ឋឲ្យបានល្អ ដោយស្មោះត្រង់ ។
លោកឧត្តមសេនីយ៍ស្នងការ ក៏បានលើកឡើងនូវបញ្ហាប្រឈមនានា ដែលកំពុងកើត នឹងបន្តកើតឡើងទៅថ្ងៃអនាគត នៅខេត្តព្រះសីហនុ អស់លោកទាំងអស់ត្រូវ ខិតខំប្រឹងប្រែងយកចិត្ត ទី១.បទល្មើសព្រហ្មទណ្ឌ អំពើលួច ឆក់ ប្លន់ និងហិង្សា ទី២.បញ្ហាគ្រឿងញៀន ទី៣.បញ្ហាហាងម៉ាស្សាខារ៉ាអូខេ បង្កប់សេវាកម្មជួញដូរផ្លូវភេទ ទី៤.បញ្ហាគ្រោះថ្នាក់ចរាចរណ៍ និងសណ្តាប់ធ្នាប់សាធារណៈក្នុងក្រុង និងទី៥.ល្បែងស៊ីសងខុសច្បាប់គ្រប់ប្រភេទ ត្រូវលប់បំបាត់ឲ្យអស់ពីក្នុងមូលដ្ឋាន ៕
ចំនួនអ្នកទស្សនា
- ថ្ងៃនេះ4751
- ម្សិលមិញ11441
- សប្តាហ៍នេះ34581
- ខែនេះ149731
- ឆ្នាំនេះ149731
- សរុប20592187